Gure kapitaina

Mikel Oyarzabal da Realak izan zezakeen ordezkaririk onena. Kapitain perfektua. Realaren eta Gipuzkoaren baloreak ondoen ordezkatzen dituena. Izan ere, gauza bat da kapitain izatea, eta beste bat, oso bestelakoa, kapitain bezala jardutea. Mikelek bere taldekideak zaintzen ditu, bere taldea, bere jendea. Bera arduratzen da dena ondo funtzionatzeaz, inguruko guztiak ondo egoteaz. Realak ezin du kapitain hoberik izan.
Mikel Oyarzabalek 400 partida bete ditu Oviedon elastiko txuri-urdinarekin. Bizitza oso bat, eta geratzen zaiona, bere bihotzeko klubaren armarria defendatzen. Ba al dago gauza politagorik eta hain harro egoteko arrazoirik? Zalantzarik gabe, ez. Egia da zifra horretara ez dela bakarrik iristen. Zure futbol mailaz, zure talentuaz eta sakrifizioaz gain, zure ondoan jende askoren laguntza behar duzu, eusten dizuten eta bidean laguntzen dizuten pertsonena. Gure jokalariaren ibilbidean garrantzitsuak izan diren eta diren pertsonak eta, elkarrizketan ikusiko duzuenez, Mikel hunkiaraztea lortzen dutenak.

400 partida horiek betetzean, Mikelek bere elkarrizketarik pertsonalena partekatu nahi izan du, eta bere ibilbide bikainean giltzarri izan diren pertsona batzuk nabarmendu ditu. Real Sociedad TV haiekin guztiekin egon da. Lehenagotik bagenekien, baina bideoa ikusi ondoren berretsi egiten dugu: zein harro gauden Mikel gure kapitaina izateaz.