Asteartean 'Aste Santua Realarekin' ekintzarako izen ematea itxiko da

Oso gutxi falta da txikienek primeran pasatzeko 'Aste Santua Realarekin' ekintzan. Datorren asteartean, martxoak 22, Real Sociedad Fundazioak antolatzen duen ekintza honetarako izen ematea itxiko da. 'Aste Santua Realarekin' 2000 eta 2007 urte bitartean jaiotako neska-mutilentzat zuzenduta dago eta martoxaren 29tik apirilaren 1era ospatuko da. Lau egunetan egiten da Zubieta XXI instalazioetan. Honela, ekintzan parte hartzen dutenek bere idoloak gertutik ezagutzeko eta RS metodologiarekin ikasteko aukera izango dute. Futbolari dagokionez, kontzeptu tekniko-taktikoak lantzen dira bakarkako eta taldeko joko-ariketen bidez. Goiz bat edo bi, atezain postuarentzat egokitutako oinarrizko ezagutzak lantzen dira. Gero beste kirolekin aldizkatzen da, besteak beste atletismoa, pilota, saskibaloia, herri kirolak eta abar. Horretarako Zubieta XXI-era erantsita dagoen Landaberri ikastola erabiltzen da. Kirol arloan hezitzeaz gain, Real Sociedad Fundazio-tik gazteei bideratuta dauden ekintza hauek aprobetxatzen ditugu errespetua, taldeko lana, autonomia, erantzunkizuna, eta abar bezalako balioak irakasteko. Horretarako, bai kirol arloan bai pedagogiko arloan, gaituak eta esperientzia handiko taldeko lana dugu . 2000 eta 2007 urte bitartean jaiotako neska-mutilak Realaren web orri ofizialaren bitartez inskribatu ahal dira. Gogoratu beharra dago leku mugatuak daudela. Informazio zehatzagoa izan nahiez gero, www.realsociedad.com-en aurki daiteke, Realzale Gazteak atalan.