Aviron Bayonnais Realaren klub hitzartua da berriz ere. Talde txuri-urdinak eta Iparraldeko erakundeak akordioa sinatu dute datozen bost denboraldietarako bideak elkartzeko.
Lapurdiko klub historikoak 38 talde eta 430 gazte baino gehiago ditu bere harrobian, eta familia realzalearen kide izatera pasatzen da, Baionako eta inguruko gazteen heziketan lanean jarraitzeko. Batasun horri esker, klub txuri-urdinak bere presentzia sendotzen du Iparraldeko eremu garrantzitsuan.
Jokin Aperribay eta Lausseni Sangare presidenteek sinatutako akordio honekin ongietorria ematen diegu Aviron Bayonnaiseko gure lagunei, eskutik hartuta lanean eta hazten jarraitzeko asmoz. Ongi etorri, Aviron.