Realak RCD Espanyoletik datorren Arola Aparicioren fitxaketa itxi du, 2027. denboraldira arte klubarekin lotzen duen kontratu batekin. Kataluniako aurrelariak Reale Arenan sinatu zuen bere konpromiso berria, Alex Uranga aholkulariarekin, Maider Castillo elite mailako emakumezkoen futboleko arduradunarekin eta Garbiñe Etxeberria emakumezkoen futboleko arduradunarekin batera.
Arola Apariciok 27 urte ditu eta jatorriz Sant Antoni de Vilamajorrekoa da. Espanyolen denboraldi bikaina egitetik dator, 28 partida jokatuz eta 4 gol sartuz, eta F. Ligarako itzuleran talde kataluniarraren bigarren golegile nagusia izan da.
Realak profil balioaniztun eta elitean ibilbidea duena fitxatu du. Arolak erasoko ekarpena egingo du bere golei eta asistentziei esker, eta Lehen Federazioko taldeetan duen esperientziari esker talde txuri urdina indartuko du datorren denboraldian.
Bere etorrerarekin, Realak erasoko aukerak handiagotuko ditu. Jokalari nekaezina, hegaleko presentziarekin eta izaera lehiakorrarekin. Txuri urdinen jokatzeko modura egokitzea funtsezkoa izango du erasoari sakontasuna gehitzeko.
Ongi etorri, Arola.
