Izena emateko kupoa gaur eguerdian bete egin da
Jada, irekita dago gure bazkideek igandean jokatuko den Real Sociedad eta FC Barcelona taldeen arteko partidarako izena ematea. Partida z7 zelaian jokatuko da, eguerdiko hamabietatik aurrera
Partidak sortzen duen interesa eta Zubietan dauden edukiera mugak direla eta (800 ikusle baimentzen dira z7ko harmailetan), gure bazkideak bakarrik sartu ahal izango dira, baina aldez aurretik bertaratzeko formularioa bete beharko dute.
Prozesua iazkoaren berdina da. Zure bazkide eserlekua eskatzeko, formularioan izena eman beharko duzu. Erreserba formularioa larunbatean itxiko da eguerdiko 12etan.
Bazkideen eserlekuak izen-ematearen hurrenkeraren arabera esleituko dira. Formularioa bete eta bidali ondoren, izena eman duen bazkideak berrespen-mezu elektroniko bat jasoko du, eta zelaiko sarbidean aurkeztu beharko du.