Gure jarraitzaileek, YouTubeko kanalaren bidez, Sanseren denboraldi honetako golik onena aukeratu dute. LaLiga Smartbanken jarraitzea lortu ez duten arren, gure filialak arrastoa utzi du maila handiko golekin. Xeber Alkainek Santo Domingoko Estadioan Alcorconen aurka sartutakoa izan da aukeratua. Top 3a Olasagastik Molinonen eta Karrikaburuk Malagaren aurka Reale Arenan sartutako golek osatzen dute. Parte hartu duten zaleen artean zozketa bat egin da eta Jokin Manzanas Trueba izan da denboraldi berriko kamisetaren irabazlea. Zorionak irabazleari eta eskerrik asko guztioi parte hartzeagatik!