Belar hockeyeko neskek igandean Bera Beran jokatuko dute CH Pozueloren aurka 13:00tan, aukera berri bat izanik hiru puntuak eskuratzeko. Txuri-urdinek azken jardunaldian RC Poloren aurkako norgehiagokan puntu garrantzitsu bat eskuratu ondoren, oraingoan CH Pozueloren aurka lehiatuko dira. Madrildarrak sailkapenean azkenak izan arren, partida zail ipiniko die gipuzkoarrei. Jorge Perezenek gogotsu hartzen dute txapelketa, joko ona egiteko asmoz eta hiru puntu lortzeko itxaropenarekin, honela, sailkapenean aurretik dituzten taldeengana hurbiltzeko aukera izango dutelakoan.
