Sansek denboraldiko unerik onenean bisitatuko du El Collao igande honetan. Aurreko asteburuan Real Unioni irabazi zioten Reale Arenan eta garaipen horri eta azken emaitza onei esker, hirugarren postuan mantentzen dira. Alcoyano, bestalde, sailkapenaren erdialde-behealdean dago, baina maila honetako talderik lehiakorrenetako bat da; horren erakusgarri dira euren emaitzak: 20 gol sartu eta 21 jaso, ia partida guztiak gol bakar batengatik erabakiz. Xehetasun txikiengatik erabakiko den neurketa. Aupa Sanse!