Haien selekzioekin kontzentratuta dauden jokalari txuri-urdinek, gaur eta bihar artean, bigarren neurketa jokatuko dute. Bihar Rulli, Diego Reyes, Mikel Oyarzabal eta Srdjan Babic Sanseko jokalariak jokatuko dute eta gaur, berriz, Aritz Elustondok debuta egin dezake 21 urtez azpiko espainiar selekzioarekin Norvegiaren aurkako lagunartekoan. Brumak ez du aste honetan partidarik jokatuko. Portugalgo hautatzaileak atseden eman dio txuri-urdin jokalariari eta ez du gaur bere selekzioarekin jokatuko Mexikoren aurkako lagunartekoan. Aritz Elustondok gaur gauean, 20:30ean, debuta egin dezake 21 urtez azpiko espainiar selekzioarekin Murtzian jokatuko den Norvegiaren aurkako lagunartekoan. Gero Rulli eta Argentinako selekzioak bihar Boliviaren aurka jokatuko dute Kordoba hirian, 2018ko Mundialerako sailkagarria den partidan. Diego Reyesek ere bihar jokatuko du eta Mexikoko selekzioak aurkaria errepikatuko du, Kanada, Mexiko Hirian kasu honetan. Neurketa mundialerako baliagarria da ere. Mikel Oyarzabalek, berriz, bihar Ronda Eliteko hirugarren neurketa jokatuko du 19 urtez azpiko espainiar selekzioarekin. Europako Txapelketarako sailkapena lortzeko azken aukera bihar izango dute, azken partidan Ingalaterraren aurka. Azkenik, Srdjan Babic Sanseko jokalaria bihar Holandaren aurka arituko da Murtzian lagunarteko batean.
