Hemen duzu Realaren eta RCD Mallorca-ren arteko partidako informazio erabilgarria (21:30):
Keler Espazioa
Keler Espazioko Gastrogune guneak 20:30etan irekiko ditu ateak. Partida Gastroguneko pantaila erraldoian emango da.
Ateen irekiera
Reale Arenako ateak 20:30etan irekiko dira. Bazkide txartel fisikoarekin, bazkide txartel digitalarekin (Realzale app-en integratua) edo dagokion partidako sarrerarekin sartu ahal izango da.
Su Ta Gar taldearen emanaldia eta mosaikoa
Partidaren aurretik girorik onena sortzeko asmoz eta, ondoren, gure aldeko zaratarik handiena sortzeko asmoz, bi une izango ditugu partidaren aurretik: alde batetik, "Su Ta Gar" talde eibartar mitikoak gure zaleen metxa piztuko du finalaurrearen atarian.
Bestalde, gure bazkideek irudi berezia duen clapper bat aurkituko dute eserleku bakoitzean. Txalogarri honek, Alkainek babestua, mosaiko bat osatzeko ere balioko du gure ereserki maitea entzutean.
Bi arrazoiengatik, zelaira garaiz sartzea gomendatzen dizugu.
Egin klik HEMEN informazio gehiagorako
Infantil txartelarekin
Biharko partidan pertsona heldu bat sartu ahal izango da infantil kategoria txartelarekin. ‘Bat, Bi, Hiru, Lau, Bost, Sei eserlekuarekin’ txartelarekin ere sartu ahal izango da. Beste batzuetan ezarri den neurri hau aplikatu da asistentziari eta Realzale Programarako puntu metaketari laguntzeko.
Bazkideentzako Arreta Bulegoa
Reale Arenako bazkidearen arretarako bulego ondoan dauden leihatilak, Atano III. pilotalekuaren parean daudenak, 19:30etatik aurrera egongo dira martxan, partidarekin zerikusia duen edozein gorabehera konpontzeko. Sarrerak egongo dira salgai.
Tabernetako eta dendako zerbitzua
Reale Arenako denda ofiziala larunbatean 10etatik 21:30etara irekiko da. Tabernak 20:30etatik aurrera egongo dira martxan, eta snack-zerbitzua eskainiko dute.
Bizikleta-aparkalekurik gabe
Aste barruan jokatzen denez, Amara Berri ikastetxean dagoen eta IBK Bikek babesten duen bizikleta eta patineteen aparkalekua ez da erabilgarri egongo partida honetan.
*Baliteke irudi batzuetan zu edo zure ardurapean dagoen adingaberen bat agertzea; beraz, irudi horiek argitaratzea nahi ez baduzu, jakinarazi iezaguzu, mesedez, [email protected] posta elektroniko helbidera idatziz, eta berehala kenduko ditugu irudi horiek. Dagokion pribatutasun-politika honako esteka honetan aurki daiteke:: https://cdn.realsociedad.eus//Uploads/CntDetalles/419/1/004e32cb-7cea-4362-85c4-537b7a3ade79.pdf