Realak denboraldi historikoa agurtuko du gaur arratsaldean Atletico de Madriden aurka. Txuri-urdinek bosgarren aldiz jarraian lortu dute Europara sailkatzea. Izugarria. Erraz esaten da. Duela astebete Valenciaren aurka ziurtatu ondoren, datorren ikasturtean UEFA Europa League txapelketa jokatzeko seigarren postua lortu zuten txuri-urdinek igandean. Azken partida hau, neurketa handia, denboraldi berezi bat biribiltzeko saria izango da.
Madrildarrak, bestalde, etxeko lanak eginda eta laugarren postua ziurtatuta dutelarik iritsiko dira. Garaiera handiko aurkaria denboraldiari ahalik eta modurik onenean agur esateko. Denboraldiz denboraldi maila gorenean lehiatzen jarraitzen duen talde hau goraipatzeko kalifikatiboak agortzen zaizkigu. Goza dezagun elkarrekin azken partidaz. Ospatu dezagun denon artean lortu duguna. Reale Arena festa bat izan dadila. AURRERA REALA!!!
