Disfrutatu eta ikasi ‘Aste Santua Realarekin’

Pasa den asteartetik, ‘Aste Santua Realarekin’ parte hartzen ari diren gaztetxoak primeran pasatzen ari dira Real Sociedad Fundazioak antolatzen duen ekintza honi esker. Beste parte hartze errekor batekin, 2000 eta 2007 artean jaiotako ehun ume baino gehiagok dibertsioa eta kirolaz betetako lau egunez disfrutatuko dute bihar arte. Atzoko jardunaldian, txikienek bikain pasa zuten kirol guztiekin (futbola, saskibaloia, atletismoa, pilota, eskubaloia, herri kirolak...) Zubietan eta Landaberri Ikastolan, instalazio txuri-urdinen ondoan kokatzen dena. Gainera, lagun asko egin dituzte eta RS metodologia ikasten ari dira. Taldeko lana, ardura, errespetua... bezalako baloreak ere nagusi dira ekintza honetan. Bihar ostirala ‘Aste Santua Realarekin’ ekintzaren azken jardunaldia ospatuko da. Modu bikainean amaitzeko, bihar gaztetxoek argazki bat aterako dute lehen taldearekin entrenamendua hasi aurretik. Dudarik gabe egun ahaztezinak izango dira denentzat.