Jose Francisco Oyarzabal Erro, Realeko jokalari ohia, 72 urterekin hil da. Josetxo Hernanin jaio zen 1951ko martxoaren 4an. Sansen bi denboraldi eman ondoren, 1971ko irailaren 5ean debuta egin zuen lehen taldearekin FC Barcelonaren aurka. Gure historiako Europarako lehen sailkapena lortu zuen Realeko taldeko kide izan zen. Guztira 85 partida jokatu eta 4 gol sartu zituen. Gainera, gure lankide Iban Oyarzabalen aita zen, klubeko langilea.
Realak doluminak adierazi nahi dizkie bere familiari eta lagunei. Goian bego.
