Realak historia egin eta bosgarren urtez jarraian Europako txapelketetara sailkatzeko helburuarekin ekingo dio azken txanpa honi. Txuri-urdinek Valencia CF hartuko dute gaur gauean Reale Arenan aste honetan jokatuko dituzten hiru partidetatik bigarrenean. Astelehenean Bartzelonan galdu ondoren, donostiarrak ordaina hartzeko gogoz helduko dira eta beste garaipen bat lortu nahi dute zaleen aurrean.
Valencia CF-k Europako postuetan sartzeko aukerak mantentzen ditu. Valentziarrek azken sei konpromisoetatik bostetan puntuak lortu dituzte Donostian, hiru garaipen, berdinketa bat eta porrot batekin balantze gisa. 2023ko otsailetik Ruben Baraja entrenatzaile dela, che taldeak Lehen Mailako talderik gazteena du. Ausarkeria eta hazten jarraitzeko gogo horiekin, valentziarrak talde gogorra izango dira aurrean ditugun hiru finaletatik lehenengoan. Historia egin nahi dugu. AURRERA REALA!!!
