Dagoeneko egin da abenduaren 22an El Sadarren (14:00) CA Osasunaren aurka Realak jokatu beharreko partidarako gure bazkideentzat sarreren zozketa.
Nafarroako klubak bidalitako sarreretatik 65 sarrera gure bazkideentzat jarri dira eskuragai gure webgunearen bitartez.
Baldintza guztiak betetzen zituzten eskaeren artean zozketa egin da eta irabazle suertatu diren bazkideak honako ID-a dutenak dira (19 eskaera bikoitz eta bakarko 27 eskaera).
Sarrerak abenduaren 17an gure estadioko 3 atearen ondoan egongo den bulego berrian jaso beharko dira. Sarrerak jaso ahal izateko, ezinbestekoa da saritu bakoitzaren bazkide txartela eta NAN-a erakustea. Ordutegia 10:00etatik 20etara izango da.