Gure historiaren zati handi bat Reale Arenan bildu zen atzo eguerdian. Gure beteranoen elkartearen urteroko batzarra dela eta, jokalari ohi ugari elkartu ziren gure estadioan goiz polit batean. Atzo, gainera, beharrezko nobedade batekin; izan ere, hemendik aurrera, gure emakume jokalari ohiak ere elkarteko kide izango dira. Aintzane Encinas, Larraitz Lucas, Eli Enciso edo Evelyn Santos bezalako aurpegiek bat egin dute Arconada, Satrustegi, Larrañaga, Gorriz eta horiekin guztiekin. Elkarrekin bidea egitea da politena. Aurrera, Reala.
