Hogeita hamar haurrek ‘haka’ interpretatu dute gaur Eibarren aurkako partida hasi aurreko uneetan, duela urtebete jokalekuaren barruan nahiz handik kanpo errespetua eta kiroltasuna sustatzeko abian jarri zen kanpainari amaiera emateko.
Gipuzkoako Foru Aldundiak, azken urte honetan, ‘Eee!ntzun’ kanpaina sustatu du, kirolean izaten den indarkeriaren aurka. Hori sustatzeko, sentsibilizazio kanpaina bat egin da Gipuzkoako hainbat herritan, Hakatones izenburupean. Behin Gipuzkoa osora zabaldu ostean, eta ‘Eee!ntzun’ kanpainari amaiera emateko, gaur Anoetan dantzatu da.