Realak FC Barcelonaren aurka jokatuko du larunbat honetan Estadi Johan Cruyffen. Txuri-urdinak oso une onean iritsiko dira azken lau partidetan hiru garaipen lortu ostean eta sentsazioak gero eta hobeak dira. Gipuzkoarrek aste osoa izan dute neurketa honetan kontzentratzeko, hamabost egunetan bost partida jokatu ostean, eta biharko norgehiagokarako prest daude.
Katalanek ez dute aurkezpenik behar. Ligako talderik onena eta Europako onenetako bat dira. Zenbakiak hor daude: hogeita lau gol sartu dituzte eta bat ere ez dute jaso bost partidatan. Erronka handia txuri-urdinentzat. Zaila, baina ezinezkoa ez. Aurrera Reala!