Estropezu

Realak huts eta bat galdu du Reale Arenan Osasunaren aurka. Txuri-urdinak, partida ona egin arren, ez dute golik lortu. Nafarrek, korner batean asmatuz, hiru puntuak eskuratu dituzte.

Lehen zatia oso entretenigarria izan da. Ia geldialdirik gabe eta erritmo biziarekin. Bi taldeek kontrako areara arriskuz iristea bilatu dute zati guztian zehar. Andre Silvak, Galanek buruz erdiratutako erremate on batekin, gertu izan du gola.

Kubok, area barrutik egindako jaurtiketa bortitz batean, beste aukera argi bat izan du. Iruindarrek, hegaletatik sartu nahian egon dira, eta etxekoek baino aukera gutxiago izan dituzte.

Realak oso ondo hasi du bigarren zatia, arriskua erraz sortuz, baina etxekoak hobeto zeudenean, korner batek nafarren gola erraztu du. Budimirrek buruz egin du gola, neurketa maldan gora jarriz donostiarrentzat. Une horretatik aurrera Imanolen mutilek ondo jokatu dute eta Herraren areara iritsi dira behin baino gehiagotan. Azken metroetan ez dira fin ibili sortutako erasoak amaitzeko.

Txuri-urdinak etxean trabatuta daude, eta azaroaren amaieratik ez dute garaipenik lortzen. Bertako indarra berreskuratu behar da Europan berriz sartzeko. Bertan egon nahi dugu, eta asteazkenean bertan jokatuko dugu. We are Real.

Fitxa teknikoa:

Real Sociedad: Remiro, Aramburu (Traore, 71. minutua), Zubeldia, Pacheco, Javi Galan, Zubimendi, Merino (kapitaina)(Brais Mendez, 62. minutua), Turrientes (Olasagasti, 71. minutua), Zakharyan (Barrene, 62. minutua), Take y Andre Silva (Sadiq, 62. minutua).

CA Osasuna: Herrera, Areso, Unai Garcia (Catena, 81. minutua), David Garcia (kapitaina), Herrando, Mojica (Juan Cruz, 73. minutua), Torro, Moncayola (Ibañez, 73. minutua), Aimar, Peña (Ruben Garcia, 65. minutua) y Budimir (Raul, 73. minutua).

Golak: 0-1: Budimir, 49. minutua

Epailea: Diaz de Mera.