Etxera bueltan

Sanse bueltan da etxean. Txuri urdinek Sestao River hartuko dute larunbat honetan Zubietako z7an. Lehen hiru partiden balantzea nekez hobetu daiteke: bi garaipen eta berdinketa bat. Orain, Zubietara bueltan, hasiera on hau luzatu nahi dute txuri-urdinek, liga hasiera honetan irabaztea lortu ez duen talde baten aurka beste garaipen bat gehituz.

IBILGAILUAN ETA APARKALEKUAN SARTZEA

Ibilgailuz Eskuzaitzeta poligonoko sarreratik sartuko da. Eraberritzearen ondorioz, bai z7 eremuko aparkalekua bai z4 eremukoa itxita egongo dira. Horregatik, Eskuzaitzeta poligonora sartzeko erreia egokituko da, Z7 eremuaren ondoan, aparkatu ahal izateko. Oinezkoak Zubietako ate nagusitik ere sartu ahal izango dira.

SARRERA

Harmailetara sartzeko lekua aldatuko da, ohiko atearen ordez, zaleek kornerraren ondoan dagoen atetik sartu beharko dute eta bertan azaldutako jarraibideak bete beharko dituzte harmailetara iritsi arte. Zelaitik igo beharko da harmailara, beheko argazkian ikus daitekeen bezala.

ORDUTEGIA

Sarrera zelaitik izanik, harmailetarako sarrera neurketa hasi baino ordu bete lehenago irekiko da eta 17:20etan itxi. Ordu horretatik aurrera ezingo da sartu eta atsedenaldirarte itxaron beharko da. Hori dela eta, behar besteko denborarekin etortzea gomendatzen dizuegu.

IRISGARRITASUNA

Partida honetarako ez da erabilgarri egongo igogailua, hori dela eta, mugukortasun arazoak dituzten pertsonentzako toki bat ahalbidetuko da zelaiaren mailan neurketa ikusi ahal izan dezaten. Beraiekin datozten pertsonak, ahalbidetuko den eremutik gertu egongo den harmailako eserlekuetan eseri beharko dute.

KOMUNAK

Komun portatilak jarriko dira zelaira sartu aurretik dagoen aldapan. Partidaren hasieran, atsedenaldian edota amaieran erabili ahalko dira. 

TABERNA

Ez da taberna zerbitzurik eskainiko neurketa honetan. 

EDUKIERA

Azken neurketetako edukiera berbera mantentzen da.

CD TUDELANO – REAL C (IGANDEA, 18:00)

Gure hirugarren taldeak CD Tudelano bisitatuko du igande honetan. Txuri-urdinek porrota jaso dute lehen bi neurketetan eta lehen puntuak lortu nahi dituzte, denboraldi hasieran seitik sei lortu dituen taldearen aurka.