Mikel Oyarzabal, Mikel Merino, Robin Le Normand, Alex Remiro eta Martin Zubimendi Espainiako selekzioaren aurrezerrendan daude udara honetako Eurokopa jokatzeko. Bost txuri-urdinak Luis de la Fuentek Alemanian jokatuko den txapelketarako deitu dituen 29 futbolarien artean daude. Datozen egunetan jakinaraziko da behin betiko zerrenda, eta bertan hiru baztertze egongo dira. Kieran Tierney ere, Eskoziarekin, Eurokoparako aurrezerrendan dago.
Lagunartekoa Zakharyanentzat
Bestalde, Errusiako selekzioak Arsen Zakharyan deitu du ekainaren 7an Bielorrusiaren aurka Minsken lagunartekoa jokatzeko.