Bertsolaritzari eta, bereziki, Maialen Lujambio hernaniarrari, Bertsolari Txapelketa irabazi berri duenari, omenaldia egiteko halako partida bat baino eszenatoki hoberik, gutxi. Osasunaren aurkako partidaren atarian, Maialenek eta Joanes Illarregi nafarrak bertso bana bota dute Reale Arenako zaleentzat. Gainerako finalistak ere (Amets Arzallus, Aitor Mendiluze, Sustrai Colina, Alaia Martin, Beñat Gaztelumendi eta Nerea Ibarzabal) zelaira jeitsi dira eta Maialenek berak egin du ohorezko sakea.