Reala Superkopan estreinatuko da gaur gauean, Real Madrid CFren aurkako finalerdi zirraragarri batean. Norgehiagoka arratsaldeko 19:00etan hasiko da, Butarque Udal Estadioan.
Maila handiko partida da, Liga Fko egungo lau sailkatuek jokatzen duten txapelketa batean, hori dela eta, ikuskizuna ziurtatuta egongo da. Norgehiagokaren aurreko prentsaurrekoan, Sanchez Vera entrenatzailea eta Nerea Eizagirre jokalaria bat zetozen: "Horrelako partidak jokatzeko prest gaude. Aukerak baliatu behar ditugu. Taldea gorantz doa, partida desberdina da, berezia eta finalean egon nahi dugu".