Agustin Aranzabal (Bergara, 1973) Realaren historiako esker atzelari onenetakoa izan da. Bergararrak, Gaztelu gure mitoaren semeak, hamarkada bat egon zen lehen taldean eta 353 alditan jantzi zuen elastiko txuri-urdina.
Aranzabal hamahiru urterekin iritsi zen Zubietara. Klubeko beheko taldetatik pasa ostean, jokalari ezkerrak 19 urterekin egin zuen debuta lehen taldean. Hamaikakoan finkatu zen eta, Javi De Pedrorekin hegala osatuz, gure historiako bikote garrantzitsuenetako baten kide izan zen.
Bere ibilbide onari esker espainiar selekzioarekin ere izan zen eta titular izan zen 2.000.urteko Eurokopan.
Aranzabal jokalari aparta izan zen. Bere esker hanka altxorra zen. Bergarako familia hori familia txuri-urdinaren oroimenean izango da beti.
