Liga F bueltan da, eta Realak Sevilla FC hartuko du igande honetan, puntuak batzen jarraitzeko helburuarekin. Partida igandean jokatuko da, 18:30etatik aurrera, Jose Luis Orbegozo zelaian.
Selekzioen geldialdiaren ondoren, txuri-urdinek garaipena dute jomuga. Azken partiduetan joko-maila ona izan bada ere, emaitzak ez dira lagun izan. Entrenatzaileak, Sánchez Verak, honakoa adierazi du: "Partida oso gogorra espero dut, haien trantsizioak arriskutsuak dira, adi egon behar dugu. Emaitzak ezin gaitu baldintzatu, ondo gaudela erakutsi dugu, eta igandean berriro ikusiko dugu".
BIGARREN TALDEA
Gorka Álvarezen jokalariek Pradejónen aurka jokatzeko bidaiatuko dute. Ligako lehen sailkatuaren aurka maila ona erakutsi zuten partida zirraragarriaren ostean, hiru puntu lortzea izango dute helburu.
Aurrera Reala!