Realak Sporting Club Huelva hartuko du larunbatean, 12:00etan, Liga F txapelketako 23. jardunaldiko partidan.
Reala ligan elkarren segidako bi porrota pilatu ondoren iritsi da, eta garaipenaren bidera itzultzeko asmoz aterako da zelaira. Erreginaren Kopako finalera iritsi ondoren, txuri-urdinek ez dute lortu 3 puntu gehitzea ligan. Natalia Arroyo entrenatzaileak prentsaurrekoan esan duenez, "Taldeak irabazi egin behar du. Badaki eta lortu nahi du. Areak menderatu behar ditugu, pazientzia izan behar dugu eta sentsazioak berreskuratzeko gure jokoa egin behar dugu".
BIGARREN TALDEA
Bigarren taldea ere etxera itzuliko da Huescaren aurkako neurketarako. Larunbatean, arratsaldeko 18:00etan hasiko da neurketa. Azken partidan bolada ona eten ondoren, garaipenaren bidera itzuli nahi dute beraien zaletuen aurrean.