Aste honetan hasi dira gure beteranoen atalak Gipuzkoako hainbat zentrotan aldizka egiten dituen gogoratze-tailerrak. Jarduera honetan pertsonen oroimena landu nahi da Realari buruzko oroitzapenen bidez. Asteazkenean Beasaingo Aita Menni zentroan izan zen saioa eta gaur goizean Altza auzoko DomusVi Berra zentroan izan da hitzordua. Bixio Gorriz eta Mitxel Loinaz gure jokalari ohiak izan dira bertan. Biek bi jardunaldi polit partekatu dituzte zentro horietako pertsonekin. Jarduera hau ekainera arte garatuko da eta LaLiga eta LaLiga Fundazioaren babesa du.
