Realak larunbatean SD Eibarren aurka jokatuko du Reale Arena Futbol Zelaian. Hemen duzu partidari buruzko informazio baliagarria:
Ateak 14:30etan irekiko dira
Reale Arenako ateak 14:30etan irekiko dira.
Dendaren ordutegia
Reale Arenan dagoen denda ofiziala, oraindik erabat bukatuta egongo ez bada ere, partida honen produktuak eskainiko ditu jada. 3 eta 4 ateen artean egongo da 10etatik 21etara.
Gure tabernak
Bai Fan Zonek bai Reale Arenako beste tabernak, zerbitzua emango dute ateak irekitzen direnetik. 15ak aurrera pizzak, bokatak, hot dogak, edariak, kafea, etabar, aurkituko dituzu.
Txarteldegiaren ordutegia
Txarteldegia 10etatik 16etara irekita egongo da. Txarteldegiak Atano III pilotalekuaren aurrealdean egoten jarraitzen du behin-behinean.
12 zenbakiko jokalaria
Aurreko astearen erdialdean klubak mezu elektronikoa bidali zien “12 zenbakiko jokalaria” zirenez, lepokoa edo bandera bat jaso zezaketela adierazteko. Aipatu mezu elektronikoa jaso baduzu eta oraindik lepokoa edo bandera (bietako bat jaso ahal izango duzu) jasotzerik izan ez baduzu, zure bazkide txartela aurkeztuta, larunbatean Reale Arenako txarteldegian jaso ahal izango duzu zure oparia (10etatik 16etara eta 17:50etatik 19etara).
Txartel digitala
Aurreko denboraldian bazkide ugarik beren mugikorra erabili zuten futbol zelaira sartzeko, Realzale Appean inplementatutako funtzionaltasuna estreinatuta. Partidara joaterik eduki ez eta Realaren aplikazio ofizialaren bitartez beren txartela beste pertsona bati laga zioten bazkideak ere egon ziren.