Reale Arenara hainbeste maite duten taldea animatzera joaterik ez duten arren, Realeko lagunarteek eta zale guztiek pandemiak geldiaraziko ez duen sentimenduari eusten jarraitzen dute. Urrunetik talde txuri-urdina animatzen jarraitzen dute, porrotetan sufrituz eta etorriko diren garaipenak ospatuz. Zaleak eta taldea inoiz baino elkartuago egongo direlako. Bizi dugun egoera zail honetan, kolore batzuekiko leialtasun horren adibide da Urretxu-Zumarragako Musti Taldea, Reala urrunetik jarraitzen duena. Beraiekin izan ginen Celtaren aurkako partidan. Ezin izan zuten garaipena ospatu, baina tinko jarraituko dute taldearen ondoan. Beti bezala.