Realaren denboraldiak lehen orrialdea merezi duten protagonista asko izan ditu. Lehen taldera igo zenetik, Mikel Oyarzabal beti izan da horietako bat. Urtero aurrerapauso handia ematen du bere progresioan, jada onenekin elkartzeraino.
Taldekideek babestuta, kanpaina honetan ohorezko matrikula atera du 10 txuri urdinak. Ez bakarrik egunero azaleratzen duen sentimendu, ahalegin eta kalitatearengatik. Aurten, bere errendimenduak Europako top zerrendarik garrantzitsuenetan jarri du.
Hemen ikus dezakezu kontinenteko bost liga handietako rankinga. Italiako txapelketa noiz amaituko zain, zortzi futbolari bakarrik iritsi dira digitu bikoitzetara goletan eta asistentzietan, NBA estiloan. Horietako bat, gure kapitaina. Zorionak, Mikel!