Elene Guridik 2028ra arte luzatu du Realarekin duen lotura, bi aldeek kontratua berritzeko akordioa lortu ondoren. Horrez gain, erdilari oñatiarrak 2026-27 denboraldia Granada CFn emango du, utzita, bere hazkunde-prozesuarekin jarraitzeko.
Zubietan hezitako jokalaria izanik, Elenek bikain ordezkatzen ditu harrobi txuri-urdinaren balioak. Lana, konpromisoa eta hobetzeko gogoa erakutsi ditu klubera iritsi zenetik. Jokoa ulertzeko duen gaitasunak, zelai erdian oreka emateko duen ahalmenak eta une oro maila gorenean lehiatzeko erakutsi duen jarrerak bere bilakaera markatu dute.
Kontratuaren luzapenak agerian uzten du Realak Eleneren bilakaeran eta azken urteotan erakutsi duen proiekzioan duen konfiantza. Granada CFn jokatuko duen denboraldiak elitean esperientzia pilatzen jarraitzeko aukera emango dio, eta klubak gertutik jarraituko du bere hazkundea.
Realak Zubietako talentuaren aldeko apustuari eusten dio, etorkizuneko proiektuaren oinarrietako bat baita. Horrela, hazteko tarte handia duen eta etxearekiko lotura estua duen jokalari baten jarraipena bermatzen du.
Zorionak, Elene!
Disfruta de tu nuevo carnet digital 
Zure informazioa eta datuak konsultatu edo aldatu
Zuretzat bakarrik ekintza eta promozio bereziak
Zozketak, sariak, 360 bideoak, etabar
Gure taldeen eta jokalarien estatistikak
Gure artxibo historikoa kontsulta egin
Audioak, postalak, posterrak eta aldizkariak jeisteko prest.
Zure argazkia taldearekin