ALDAGELAK, TUNELA, PRENTSA-ARETOA ETA AUDITORIOA

Hobekuntza lanak aurrera doaz

Bi aste eskas geratzen dira liga hasteko, bai Lehen bai Bigarren Mailan, eta Reale Arenako beheko eraztunean egiten ari diren hobekuntza lanak erritmo onean doaz.

Aldagelak, jokalarien tunela, prentsa aretoa eta auditorio berria egiten ari dira. Erreformaren helburua eraberritzea eta modernizatzea da, kirol-araudiaren, garai berrien eta kirol-premia berrien arabera.

Honako lan hauek egiten ari dira:

Aldagelak guztiz berritu eta hornitzen dira: jokalarientzako aldagelak, entrenatzaileak, beroketa-gunea, dutxak, errekuperazio-gunea eta fisioterapia-gela. Espazio zabalagoak eta material modernoagoak izango dituzte. Azpimarratzekoa da talde txuri-urdinaren aldagelak gaur egungoaren kontrako aldean kokatuko direla, klubaren instalazioetatik hurbilen.

Prentsa-areto berriak 90 graduko bira izango du, eta agertokiaren inguruan arkua jarriko dute era dotorean. Haren ondoan eremu misto berria jarriko da. Bai prentsa-aretoak bai eremu mistoak beira zabalak izango dituzte jokalekurantz, eta beharrezko azpiegitura eta teknologia guztia izango dute

Jokalarien tunelak bere kokalekua mantenduko du, baina bere irudia material dotoreagoekin berrituko du, zelaira irten aurretik espazio erakargarri bat sortuz, argiztapena eta materialak konbinatuz.

Azkenik, instalazioak 180 lagunentzako auditorioa izango du. Klubaren instalazioetarako sarreratik hurbil egongo da, itxura gardena, argitsua eta modernoa izango du, eta erabat digitalizatuta egongo da.

 

Erregistratutako erabiltzaileentzat bakarrik!

Eduki hau gure web orrialdean erregistratu diren erabiltzaileentzat da bakarrik.

Login aukeran klik eginez erregistratu zaitez eta eduki esklusiboaz disfrutatu ezazu!