Realak eta eta RCD Espanyol taldeak Reale Arenan jokatuko dute bihar 21:00etatik aurrera. Hemen uzten dizugu informazio interesgarria:
Keler Espazioa
20:00etatik aurrera martxan egongo da jatetxe- eta aisialdi-gune berria.
Altxa dezagun Kopa
Partidara etorriko diren zaleek kopa formako kartoi mehe bat aurkituko dute euren esertokietan. Helburua, txuri-urdinen ereserkia entzuten denean, kopa altxatzea da.Gainera, Finetwork-i esker, kopan aurkituko duten QR kodea eskaneatzen dutenak Mikel Oyarzabalek sinatutako kamiseta baten zozketan sartuko dira.
Ateen irekiera
Reale Arenara sartzeko ateak 20:00etatik aurrera egongo dira zabalik. Joan garaiz zure sarrera arintzeko, azken orduko pilaketak saihesteko eta partida honen atarian lasai gozatu ahal izateko.
Sarrera bazkide txartelarekin edo lagatzea
Bazkideak bazkide-txartelarekin sartu ahal izango dira zelaira (baita txartel digitalarekin ere), eta beren ohiko eserlekuan eseri beharko dute, betiere osasun-neurriak errespetatuz. Gogoratu bazkide txartel berriena ekarri behar duzula.
Gogorarazten dizugu, partidara joaterik ez baduzu, zure txartel digitala senide edo lagun bati zure mugikorraren bidez lagatzeko aukera duzula. Deskargatu Realzale App-a, identifikatu bazkide gisa eta kudeatu zure txartela mugikorretik.
Reale Arenako denda eta tabernak
Reale Arenako denda zabalik egongo da 10:00etatik 21:00etara. Bestalde, estadioko tabernak martxan egongo dira ateak irekitzen direnetik eta ohiko barra zerbitzua eskainiko da.
Bazkideentzako arreta (gorabehereak) eta txarteldegia
Reale Arenako bazkidearen arretarako bulego ondoan dauden leihatilak, Atano III. pilotalekuaren parean daudenak, martxan egongo dira 19:00etatik aurrera, partida honen inguruan sortzen den edozein gorabehera konpontzeko.
Txarteldegian bertan ere erosi ahal izango dira sarrerak, agortu ez badira. Sakatu esteka honetan ticketing plataformara sartzeko.
Bizikleten aparkalekua
Bizikletentzako eta patineteentzako aparkalekua itxita egongo da.