Iñigo Martinez, Carlos Vela eta Gero Rulli txuri-urdinak beren selekzioengatik deituak izan dira hurrengo astean jokatuko diren neurketa internazionaletan parte hartzeko. Iñigo Martinezek espainiar selekzioarekin jokatuko du hilaren 12an Granadan Mazedoniaren aurka, partida 2018ko Mundialaren sailkapenerako balekoa da. Hiru egunetara, Julen Lopeteguik zuzendutakoek lagunarteko bat izango dute Londresen Ingalaterraren aurka. Carlos Velak Mundialerako sailkapeneko bi partida izango ditu. Mexikok Estatu Batuaken aurka jokatuko du Columbusen 11ean eta Panamara bidaiatuko du 15ean etxekoei bisita egiteko. Gero Rulli, bere deialdia orain dela bi aste ezagutu zena, Argentinaren parte izango da Brasileri bisita egin eta Kolonbia hartzeko. Neurketak azaroaren 10 eta 15ean jokatuko dira hurrenez hurren. Rusian jokatuko den Mundialerako sailkapenerako baliozkoak izango dira bi partidak. Kevin Rodrigues, Portugaleko 21 urtez azpiko selekzioarekinBestalde, atzo ezagutu zen Kevin Rodriguesen deialdia 21 urtez azpiko konbinatu lusitaniarrarekin. Txuri-urdinak, herritartasun bikoitzarekin (frantziarra eta portugaldarra), estreinaldia izango du Poloniako 2017ko Europeorako prestakuntzarako balioko duten bi lagunartekotan. Lehena hilaren 11ean jokatuko du Setubalen Txekiar Errepublikaren aurka eta, ondoren hilaren 15ean, Holandako Doetinchem hirian ‘orange’ taldearen aurka.
