Bigarren PS5a emateko zain, ostiralean #40UrteTxapeldun bildumaren hirugarren txanda aktibatu zen. Datorren martxoaren 11ra arte beste lau kromo kaleratuko dira mailaz maila, martxoaren 12an egingo den hirugarren PS5aren zozketan parte hartzeko. Ostiralean aktibatutako Amianoren kromoaz gain, hirugarren txanda honetako gainerako hiru kromoak martxoaren 2an, 8an eta 11n aterako dira.
Nola hartzen dut parte? Parte hartzeko modua aurreko bi txandetako bera da. Zenbat eta kromo gehiago aktibatu zure App-an RS Smart Tag etiketarekin, orduan eta aukera gehiago izango duzu sari handi horietako bat eskuratzeko. Gogoratu behar da bigarren txandako kromoek ez dutela hirugarren zozketa honetarako zenbatuko, baina bai Volkswagen Tiguanaren azken zozketarako (apirilak 26).
