Asian lagunarte ofizial bat falta zitzaigun, eta badugu. Ongi etorria eman nahi diegu 'Reala Nippon'eko lagunei. Lagunarte berria Tokioko eta Yokohamako zazpi gaztek osatzen dute. Mio Ortiz presidentea eta taldeko hainbat kide Donostian bizi izan dira, eta hortik sortu zaio Realarekiko grina. Talde honen sorrerarekin, Japonian bizi diren zale txuri-urdin guztiak bildu nahi dituzte. Gainera, bideo atsegin hau bidali nahi izan digute lagunartearen lehen pauso bezala. Eskerrik asko, lagunak, eta ongi etorri, 'Reala Nippon'.