Imanol Alguacilek garrantzi handia ematen dio partida bakoitzari, konpetizio bakoitzari.. Aldagelak badaki, eta oriotarrak lehen taldea zuzentzen duenetik, Realaren erregulartasuna eztabaidaezina da txapelketa honetan. Izan ere, atzoko merezitako garaipenarekin, talde txuri-urdinak final-laurdenetarako bost sailkapen lortu ditu azken sei urteetan.
Zozketa, astelehen eguerdian
Realak San Sebastian Egunean jakingo du nor duen aurkari. Zozketa astelehenean egingo da, 13etatik aurrera. Klub hauetako bat gure aurkaria izango da: Real Madrid, FC Barcelona, Atletico Madrid, Valencia CF, Gefate CF, CD Leganes edo CA Osasuna.
