Reala gaur goizean bueltatu da entrenamenduetara Zubietako Jose Luis Orbegozo zelaian atzoko atseden egunaren ondoren. Larunbatean Villarreal CF-ren aurka garaipena lortu eta gero, Asier Garitanoren mutilak hurrengo aurkarian ari dira pentsatzen jada, CD Leganes. Txuri-urdinek Butarque bisitatuko dute ostiral honetan 22:15etan eta beste bi entrenamendu dituzte aurretik (ateak itxita biak) neurketa hori prestatzen jarraitzeko helburuarekin.
