Gure hirugarren taldeak denboraldiko lehen garaipena lortu du Urdulizi bi eta bat irabazi ondoren. Txuri-urdinek bikain hasi dute neurketa eta bosgarren minutuan markagailuan aurreratu dira. Galarretak sartu du gola, are ertzeko jaurtiketa sendo bati esker. Nagusi izan dira gipuzkoarrak lehen zati honetan, nahiz eta bizkaitarrek arriskua sortu duten hainbat jokaldi arriskutsuetan.
Bigarren zatia ezinhobeto hasi da. Lehen jokaldian, Martonek ez du barkatu emaitza handiagotzeko. Baina kanpokoak neurketan sartu dira berriro ere korner jokaldi batean Lopezen golarekin. Gainera, txuri-urdinek hamar jokalarirekin jokatu dute azken ordu erdian. Sufritu beharra izan dute lehen garaipena lortzeko, baina azkenean iritsi da. Garrantzi handiko hiru puntu jaitsiera postuetatik ateratzeko. Hurrengo jardunaldian, gipuzkoarrek Balmasedaren aurka jokatuko dute.
Fitxa teknikoa:
Real C: Marrero, Gabilondo, González de Zarate, Cantero, Zoilo, Perez (Elizondo, min. 62), Turrientes (Begiristain, min. 62), Sanchez, Martin, Galarreta, Marton (Elosegi, min. 70).
Urduliz: Jon, Bravo, Lopez, Oza, Durán, Castrillejo (Landabaso, min. 52), Haitz (Calero, min. 76), Iglesias, Justo (González, min. 76), Marcos, Nates.
Golak: 1-0: Galarreta, min. 5; 2-0: Marton, min. 47; 2-1: Lopez, min. 55
Epailea: Aitor Barrio. Txartel horia erakutsi die etxeko Martin, Marton, Elizondo, Zoilo eta Sanchezi eta kanpoko Castrillejo eta Haitzi. Etxeko Cantero kanporatu du bi txartel hori erakutsi ondoren (min. 67).
Disfruta de tu nuevo carnet digital 
Zure informazioa eta datuak konsultatu edo aldatu
Zuretzat bakarrik ekintza eta promozio bereziak
Zozketak, sariak, 360 bideoak, etabar
Gure taldeen eta jokalarien estatistikak
Gure artxibo historikoa kontsulta egin
Audioak, postalak, posterrak eta aldizkariak jeisteko prest.
Zure argazkia taldearekin