Bi asteko entrenamenduen ondoren, eta hainbeste hilabete partida sentsaziorik gabe igaro ostean, 60 minutuko lagunartekoa jokatuko du Realak ostiral honetan, goizeko 10etan Zubietan. Norgehiagoka txuri-urdinen eta lehen egiturarekin denboraldi-aurrea egiten ari diren bigarren taldeko jokalarien artean jokatuko da. Aurtengo denboraldiaren lehen entsegua izango da, sentsazioak hartzeko eta alderdi taktikoetan eragina izaten jarraitzeko, gainera, aste haueko saioen lan-karga nabarituko da. Aurpegi berriak nola egokitzen diren eta taldeari zer eman diezaioketen ikusteko aukera izango dute baita ere.
*Lagunarteko hau ateak itxita egingo da, instalazioak jendearentzat mugatuta baitaude.