Datorren igandean Anoetak Hegoaldeko Harmailan jarritako lona berria estreinatuko du. Goizean zehar, langileek ia 70 metro luze eta 9 metro altu den lona jarri dute, zeinak joko zelaiaren zabalera osoa hartzen duen, estadioaren itxura apaintzeko, alde hori birmoldatzeko prozesuak aurrera egiten duen bitartean.
Lona poliesterrezko ehun batez egina dago, PVCz estalita, eta oso arina da eta haizea pasatzen uzten du. Hormigoizko azaleko zapata batzuen eta metalezko egitura desmuntagarri eta berrerabilgarri baten gainean jarri da. Lona egituran finkatzeko eta tenkatzeko, oihalezko brida batzuk erabili dira, lonaren zuloetatik pasatuta.
Diseinatzaileek realzaleen gerra oihurik tradizional eta ezagunenetako baten alde egin dute: ‘Bat, bi, hiru, lau, bost, sei, zazpi, REAL!’. Igandean espero dugu lona golekin eta garaipen berri batekin estreinatzea.
