Gure hirugarren taldeak Tropezon hartuko du igande honetan Zubietan. Txuri-urdinek puntu baliotsua lortu zuten Merkatondoan, multzoko talde onenetako baten aurka, eta azken asteetako emaitza onei jarraipena ematea dute helburu, sailkapeneko goiko postuetan finkatzeko. Aurrean, jaitsiera postuan dagoen Kantabriako talde bat izango dute, postu horietatik aldentzea bilatuko duena Zubietan emaitza positiboa lortuz. Partida zuzenean jarraitu ahal izango da Real Sociedad TVn.