Mikel Alonso Realeko jokalari ohiak futbolari amaiera emango dio larunbatean Berazubin jokatuko den agurreko neurketan. Realeko beteranoak eta Antiguoko eta Tolosako futbol taldeetan ibilitako futbolariak arituko dira aurrez aurre. Realeko jokalari ohi ugari eta beste hainbat klubetako taldekide eta senideak ere izango dira Tolosan. Xabi Alonso anaia, Xabi Prieto, Aitor López Rekarte, Javi De Pedro, Joseba Llorente, Gari Uranga, Igor Gabilondo, Zuhaitz Gurrutxaga, Sergio Boris, Gorka Larrea, Diego Asorey, Pablo Llorca, Juan Ugarte, Kristian Alberdi, Oier Larrainzar eta Beñat San José bertan izango dira. Sarrera doakoa izango da.