Neurketa bat baino askoz gehiago

Realak eta Athleticek derbia jokatuko dute igande honetan Reale Arena bezalako agertoki paregabean.

'Beti da berezia' esaldia errepikatzen dute jokalari guztiek derbiaz galdetzen dietenean, eta hala da, momentu errepikaezinak bizitzen baitira. Neurketa hasieratik zaleen babesa sentitzen dute,sentimendu txuri-urdinak dira inoiz baio gehiago nagusitzen dira, eta hori guztia, Reale Arenan.

Nerea Eizagirre kapitainak aurreko prentsaurrekoan esan duenez, "derbiak beti dira bereziak. Ez da erraza izango, baina gustatzen zaizkidan partida motak dira". Bestalde, Sanchez Vera entrenatzaileak azpimarratu duenez, "mundu honetan aritzen garenontzat, guztiok bizi eta gozatu nahi ditugun partidak dira".

BIGARREN TALDEA

Gorka Alvarezen taldeak Real Oviedo Femenino taldeari egingo dio bisita, pasa den astean lortutako garaipen sendoari jarraipena emateko. Norgehiagoka larunbatean jokatuko da 16:30etik aurrera JR Suarez Fdez zelaian.

Aurrera Reala!