Sansek Bigarren Mailara igotzeko aukera historikoa izango du larunbatean. Txuri-urdinak Almendralejoko Francisco de la Hera zelaian neurtuko ditu indarrak 20:00etan Algeciras taldearekin.
Norgehiagokarako sarrerak erosi nahi dituzten zale guztiek Espainiako Futbol Federazioaren bitartez eskuratu ahal izango dituzte. Sarrerak esteka honetan jarriko dira salgai ostiral goizean: https://tickets.rfef.es /
Sarreren prezioak 20 eta 30 euro artekoak dira. Zale txuri-urdinen sarrerak Tribunakoak (30 euro) eta Hegoaldeko Hondokoak (25 euro) izango dira.