Urteko egunik politenetakoa bizi izan da gaur goizean Zubietan. IX. #ElkarriOn Saria ospatu da. Jokalariek bere ametsa egi bihutu dute talde txuri-urdinaren instalazioetan Real Sociedad Fundazioak ATZEGI-rekin batera (Gipuzkoako Adimen urritasuna duten pertsonen aldeko erakundea) antolatutako sari honi esker. Sari honek CIE Automotiven eta SALTO Systemsen babesa du.
Aurtengo edizioan CD Zarautz eta CD Arrupe Chaminade - SANSE konbenituek parte hartu dute. Goiz izugarri honetan, eta jokalarien ilusio eta alaitasunari esker, hesi guztiak hautsi dira. Zubietara gerturatu diren guztiak esperientzia ezin hobea bizi dute eta denon artean hesiak hausteko gai garela erakutsi dute. Mugarik gabeko etorkizuna eraiki dezagun denon artean.
Goizeko hamarretan txapelketa honen beste edizio bati hasiera eman zaio Zubieta z4 eta z5 zelaietan. Aurreko edizioetan bezala partidak 4x4 formatuarekin jokatu dira. Ehun pertsona baina gehiagok parte hartu dute 16 taldetan banaturik. Jokalari guztiek baldintza eta arau berekin parte hartu dute.
Txapelketa honi esker, gure harrobiko jokalari txuri-urdinek esperientzia berezia bizitzeko aukera izan dute, adimen urritasuna duten kirolariekin jokatu ahal izan baitute. Honek, dudarik gabe, Realeko harrobiko jokalarien formazio bidea aberastuko du. Esperientzia ahaztezina guztiontzat gaurko egunean. Jokalari guztiek ilusio handiz parte hartu dute edizio honetan. Amaieran Jokin Aperribay presidentea eta Hamari Traoré, Álvaro Odriozola eta Nayef Aguerd jokalariek sariak banatu dizkiete parte-hartzaileei.
Instalazio txuri-urdinetan jokatu ahal izatea ahaztezina eta berezia izan da. Gainera, esperientzia honek pertsonek mugarik ez dituztela erakutsi du. Zubietan izandako giroa paregabea izan da. Elkarrekin batera indartsuagoak garela berrestu egin da berriro ere.
