AZKEN HITZORDUA REALE ARENAN MUNDIALAREN AURRETIK

Partida aurrekoa eta ostekoa Keler Espazioan

Munduko Txapelketaren aurretik Reale Arenan jokatuko den azken partidarekin bat eginez, Keler Espazioak zerbitzu zabalagoa eskainiko du gure zaleek familian agur esan eta topa egin dezaten lehiaketaren geldialdiaren aurretik.

15:15etik 20:00etara

Hiru guneak -Gastrogune, Fan Zone eta LG Gaming- aldez aurretik irekiko dira -15:15ean- partida hasi eta bi ordura arte (20:00etan), gastronomiako eta dibertimenduko ia bost ordu adin guztientzat, familientzat, lagunentzat... Eta sorpresak bai partida baino lehen, bai ondoren.

Partida ondoren: Irtera taldearen kontzertua

Partida goiz jokatuko denez, zuzeneko musika partida ondoren izango da eta 18:00etan hasiko da. Oraingo honetan, Irtera pop-rock talde euskaldunaren txanda izango da, Donostiako eta Trintxerpeko artista gazteek osatua.

Partida aurretik: Koreako produktuen doako dastaketa

Bigarren asteburuan jarraian, joan den igandeko arrakastaren ondoren, K-Food janari korearraren doako dastaketa errepikatzeko aukera izango dugu. Horretarako, hiru sukaldari asiarrek janaria prestatuko dute.

‘K-Pintxos los 11’ lelopean, zaletuek dastatu ahal izango dute Koreako produktu klasikoez (pikanteak, gaziak edo gozoak) osatutako 11 pintxoko kaxa osoa doan.

Zelaira sartu ahal izango da zuzenean harmailetan dastatzeko. Gainera, kaxa bakoitzean aurkituko dituzun jarraibideak betetzen badituzu, sari on baten zozketan parte hartuko duzu.

*Baliteke irudi batzuetan zu edo zure ardurapean dagoen adingaberen bat agertzea; beraz, irudi horiek argitaratzea nahi ez baduzu, jakinarazi iezaguzu, mesedez, [email protected] posta elektroniko helbidera idatziz, eta berehala kenduko ditugu irudi horiek. Dagokion pribatutasun-politika honako esteka honetan aurki daiteke:: https://cdn.realsociedad.eus//Uploads/CntDetalles/419/1/004e32cb-7cea-4362-85c4-537b7a3ade79.pdf

Erregistratutako erabiltzaileentzat bakarrik!

Eduki hau gure web orrialdean erregistratu diren erabiltzaileentzat da bakarrik.

Login aukeran klik eginez erregistratu zaitez eta eduki esklusiboaz disfrutatu ezazu!