Realeko belar hockey-ko taldean hutsera berdindu du Jolasetaren aurka jokatutako bigarren itzuliaren hasieran. Oso berdindua egon da partida, gol aukera gutxirekin. Etxekoak hobeto aritu dira lehenengo eta bigarren laurdenetan. Txuri-urdinei kosta egin zaie aukerak sortzea markagailuan aurreratzeko. Berdinketak justizia egiten zuen atsedenaldian.
Kanpokoek hainbat penalti korner izan dituzte lehenengo gola eskuratzeko, batez ere hirugarren laurdenean. Ez dituzte burutu eta laugarren laurdenean Jolaseta nagusi izan da. Azkeneko jokaldian, gure atezainak jokaldi arriskutsu bat aldentzea lortu du puntu baliotsu bat lortzeko. Hurrengo astean Atletic Terrassa jasoko dugu etxean.