Ligako etenaldiaren ostean, txuri-urdinek lurralde katalanak bisitatuko dituzte RC Poloren aurka jokatzeko. 12:30etan izango den partida, Eduardo Dualde instalazioetan, aukera berri bat izango da etxetik kanpo lehenengo hiru puntuak eskuratzeko. RC Polo zazpigarren posizioan dihardu, Reala berriz, seigarren dijoa puntu bakarreko abantailarekin. Jokalari gipuzkoarrek liderraren aurka etxean jokatutako azken neurketan puntu garrantzitsu bat eskuratu zuten eta oraingoan, Poloren aurka lehiatuko da, zeinak berdinketa lortu zuen Athletic Terrasaren aurka. Txuri-urdinek gogotsu hartzen dute txapelketa, joko ona egiteko asmoz eta hiru puntu lortzeko itxaropenarekin, honela, sailkapenean aurretik dituzten taldeengana hurbiltzeko aukera izango dutelakoan.
