Identitatea eta metodología zabaltzen

Reala eta Donostia izan dira astean zehar nazioarteko hedabideen gune nagusiak, bihar Realak eta Athleticek jokatuko duten derbia dela eta. LaLigaren eskutik, nazioarteko telebista eta hedabideek zuzenean ezagutu dute kluba, bere filosofia eta lan egiteko modua, bai Reale Arenan bai Zubietan. Guztira, lau bidai-taldek bisitatu dituzte instalazio txuri-urdinak: Media Day bat nazioarteko telebista-operadore nagusiekin eta elkarrizketak, hamabi nazionalitatetako hedabideekin osatutako press-trip bat, kazetarien eta influencer-en Liga Experience bat Norvegiako eta Japoniako hedabideekin eta, azkenik, 50 babesle inguru dituen merkataritza-ordezkaritza bat. Derbiaren eta partidaren atarikoaz gain, gainerako euskal taldeak ezagutzeko eta Donostia bisitatzeko aukera izan dute.